MLA inthlan tur sawiho
Election Commission of India (ECI)-a dy. election commissioner (DEC) Sudeep Jain chuan kumin MLA inthlan lo awm tur chungchangah Thawhṭanni khan Aizawl a rawn tlawh a, Thawhṭanni leh nimin khan sorkar official-te nen Hotel Floria-ah an inkawm.
Meeting ah hian Electronic Voting Machines (EVM) leh VVPAT chungchang inhrilh hriatna uar zawka kalpui an rel a, hemi kawngah hian district tinah DC te’n meeting leh awareness programme buatsaih se, an ti.
Election Commision of India-in kum 2018 atan accessible election theme a thlan angin, DC-te chu an awmna khua leh tui te’n vote an thlak vek theihnan vohbik (disabled persons) te pawh enrollment siamsak tura hmalak nise meeting chuan a ti a ni.
Meeting-ah hian boruak zangkhai leh ralmuang taka Mizoram-n Assembly Election a neih theih dan tur police officer-te nen thlir ho niin, poll stations chungchang te, poll station chhunga mamawh hrang hrang tui in tur, inthiarna, taksa lama harsatna neite tan ramp awm theihdan turte sawiho a ni bawk.