KHAWTHLIR
Serchhip DC thar
Serchhip bawrhsap atana dah thar Kumar Abhishek chuan nimin khan DC mawhphurhna a la ṭan. DC kal chhuak Dr Lalzirmawia Chhangte chuan Kumar Abhishek hnenah nimin chawhma lam khan Serchhip DC mawhphurhna a hlàn a, duhsakna a hlân nghal. Kumar Abhishek hi IAS 2016 batch, AGMUT cadre a ni a, October 2018 aṭangin Mizoramah awm ṭanin, CEO, West Phaileng SDO leh Aizawl additional DC-te a ni tawh.
Thisen pe
MSO sub-headquarters, Bangalore chuan nimin khan Siaha District Hospital-ah thisen unit 22 an pe a, petute mipa 19 leh hmeichhia pathum an ni. Phunchawng Branch KṬP pawhin nimin khan Synod Hospital blood bank-ah thisen unit 20 an pe a, petute mipa 19 leh hmeichhia pakhat an ni.
MLA-in enfiah
Minister of state K Lalrinliana chuan nimin khan a bial, Kolasib constituency chhunga khaw pathum - Pangbalkawn, Meidum leh Bairabi khuate a tlawh a, MLA-LAD Fund, State Finance Commission grant, excluded area grant leh MGNREGS hnuaia hmalaknate a enfiah. K Lalrinliana chuan, "Mahni khuaa kan hmalakna hrang hrangte hi mite entawntlak leh ram tana ro tling ni turin kan hlen chhuah a, kan enkawl chhunzawm a ngai a ni," a ti.
Fumigator pe
Aizawla Ebenezer Hospital chuan Zoram medical College-a hman turin fumigator an hman lai chu an thawh. RHF-ZMC Bulletin chuan, Ebenezer Hospital chungah an lawm thu
a tarlang.
Minister-te'n an hlawh an thawh
Deputy chief minister Tawnluia hoin minister dang 10 leh Lunglei HPC Vice Chairman-te chuan Covid-19 dona atan CM Relief Fund-ah nimin khan June thlaa an hlawhpui (basic pay) zatve 50%
ṭheuh an thawh. Nimin vêk khan Mizoram Government Doctors Association chuan an hlawhpui aṭanga 10% an thawh khawm Rs. 40,00,395 chu CMRF-ah an chhûng lut bawk.