Hnahthialah vaccine pe ṭan

Hnahthial Electric Veng community hall-ah nimin khan kum 15-18 inkarte hnenah Covid-19 laka invenna damdawi Covaxin pek ṭan a ni a, district bawrhsap R Lalremsanga'n a hmanpui.

Covid-19 vaccine pek ṭannaa tarlan danin, Hnahthial district-ah Covid vaccine la thei tur kum 15-18 inkar mi 1,550 an awm. Kum 18 chung lam mi 19,038 (96%) hnenah vaccine dose khatna leh mi 18,663 hnenah dose hnihna pek a ni tawh a; Aithur leh Hnahthial Venglaiah chuan vaccine la thei turte pek vek tawh an ni.