Covid-19 vaccine pek dan tur sawiho

Khawzawl District Task Force on Covid-19 Vaccination chu nimin khan an chairman CC Lalchhuangkima, district bawrhsap hoin DC conference hall-ah an ṭhukhawm a, January 10, 2022 aṭangin kum 15-18 inkarte hnenah Covid-19 laka invennda damawi Covaxin pek ṭan an rêl.

Ṭhutkhawma tarlan danin, Khawzawl district-ah hian kum 15-18 inkar Covid vaccine la thei mi 2,471 an awm a; Khawzawl Hospital bialah mi 1,031, Kawlkulh PHC bialah mi 647, Biate CHC bialah mi 113, Rabung PHC bialah mi 191, Sialhawk PHC bialah mi 195 leh Khawhai PHC bialah mi 294 an awm a ni.

Khawzawl district-ah hian kum 18 chung lam vaccine first dose la tawh mi 22,080 an awm a, chhan hrang hrang vanga la duh lo mi 1,561 leh second dose la duh lo mi 2,666 awmin, an vaiin mi 4,227 an ni. Vaccine la lo zingah sakhuana leh social media-a thu belhchian dâwl lo thehdarh awih vanga la duh lo an tam hle niin an tarlang.