Covid-19 vangin 555 thi tawh

Nimin khan tlai dar 5 thlengin Covid-19 vanga thi mi pakhat a awm. Mizoramah hripui vangin mi 555 an thi tawh a, tun January thla bikah mi pakua an thi tawh.

Nimin zing dar 8:10 khan Lalngheti (53), Bilkhawthlir, Kolasib district chu Kolasib Dedicated Covid Health Centre-ah a thi a; Covid-19 positive a ni tih January 6, Ningani khan hmuhchhuah a ni a, hemi ní vêk hian DCHC-ah dah luh a ni.