IPR Minister-in Film Bonanza a hawng
Ministry of Information & Broadcasting (I&B) hnuaia Children’s Film Society of India (CFSI) leh Aizawl DC pisa chuan nimin khan Lal Thanhawla Auditorium-ah Children's Film Bonanza an buatsaih ṭan a, Information & Public Relations minister Lal Thanhawla'n a hawng.
Lal Thanzara chuan, tunlai khawvel changkannain a ken tel technology sang zelah naupangte pawhin mobile leh computer an khawih nasat tawh thu a sawi a, "Naupan lai hun hetiang ringawta an hman loh nan ṭan kan lak a ngai a, hemi kawnga hmalakna pakhat chu film festival huaihawt hi a ni. Nu leh pate'n kan fate television-ah eng nge an en, mobile phone leh computer-ah eng nge an khawih tih kan hriatpui a ngai," a ti.
CFSI chief executive officer Sawti Pandey chuan, naupangte'n zirtir nei ṭha tak tak film an en theihna tur film festival buatsaih a ni tih sawiin, "CFSI-in film 270 vel film an neihah Mizo ṭawnga lehlin film paruk chiah a awm a, film tam zawk Mizo naupangte'n an hriatthiam ngei theih nan lehlin tura hmalak a ni dawn," a ti a; Festival-a telte hun hlimawm tak hmang turin duhsakna a hlan.
Children's Film Bonanza hi vawiin leh naktukah chhunzawm a ni dawn a; Mizo ṭawnga siam film zirtir nei ṭha tak tak paruk chhuah a ni dawn a, Aizawl khawpui chhunga sikul hrang hrangte'n an in en chhâwk ṭhin dawn a ni.