Indigenous Day-ah tel

Nimin khan Guwaha­ti-a ITA Cultural Com­plex-ah International Day of the World Indigenous People hman a ni a, Mizoram aṭangin Central YMA general secretary Lalhmachhuana leh Mizo Students' Union hruai­tute an president RB Lal­malsawma hoin an tel.

Day hmannaah hian Lalhmachhuana chuan thu sawiin, Mizoramin YMA leh tlawmngai pawl dang chak tak a neih avangin harsatna tam tak sutkian ṭhin thu a sawi a, "Mizote kan ṭan rual angin hmarchhak state dangte an ṭanrual ve a ṭul. Chu bakah hmarchhak state harsatna inang tlang kan neih chuan ṭanho a ṭul a ni," a ti.

International Day of the World’s Indigenous People hi UN General Assembly chuan De­cember 1994 khan a vawi­khatna atan hman ṭan turin a puang a, kumtin hman zui a ni.