Cheng nuai 4.6 eirutu kum 1 táng turin hrem
Sorkar sum Rs. 4,60,000 eirutu Sapmawia, Kanhmun V/C president hlui chu Aizawl District & Session Court-a special judge Thang Lianmang Guite chuan kum khat chhung jail-a táng tur leh Rs. 20,000 chawi turin a hrem.
Vanglaini thu dawn danin, kum 2012 khan Anti Corruption Bureau (ACB) chuan MGNREGS sum hman dan dik loh chungchangah complaint an dawng a, an chhui chian hnuah chhui zui tlaka ngaiin thubuai an ziak lut a ni.
ACB-in hun eng emaw chen an chhui hnuah Sapmawia hian MGNREGS sum Rs. 4,60,000 a eiru tih an hmu chhuak a, an thil hmuh chhuahte chu Court-ah an thehlut a ni.
Special Court chuan thuhretute thusawi leh document hrang hrangte a zirchian hnuah tun hnai khan thutlukna a siam a, Sapmawia chu kum khat chhung táng tur leh Rs. 20,000 chawi turin a hrem a; Sapmawia hian a pawisa chawi tur a pek theih loh chuan thla ruk dang a tan belh dawn a ni.