Politics-a hmeichhiate dinhmun zirho

Indian Institute of Public Administration - Mizoram Regional Branch (IIPA-MRB), UGC-Women’s Studies Centre leh Mizoram University-a Department of Public Administration chuan nimin khan Assembly Annexe conference hall-ah 'National seminar on Participation of Women in Governance and Politics at Local and State Level' an buatsaih a, minister Lalsawta'n a hmanpui.

Lalsawta chuan, hmei­chhiate'n harsatna tam tak an tawh thu sawiin, "India ramah Constitution siam danglam a nih vangin municipal corporation, local council leh village council level-ah hmeichhiate tan politics khawvelah kawng a inhawng chho zel a; mipa leh hmei­chhia inthliar hranna, mipa chungnung anga ngaihna leh hmei­chhe hnuaihnung zawka ngaih tlatna hi khawvelah a la awm reng a ni," a ti.

Seminar hi IIPA-MRB chairman Prof. C Lalkima'n a kaihruai a, mithiamte'n thupui hrang hrang an sawi a ni.