Leiminin a chhilh thia hmuh a ni

Lalfakmawia (40), Khanpui, Aizawl district chu ram a riahnaah August 7, 2018 aṭangin a awmna chin hriat a ni lo a, nimin zing dar 8 vel khan thia hmuh a ni.

Thu dawn danin, Lal­fakmawia hi Khanpui leh Tualbung inrìna bul, Khanpui aṭanga km. 10 vela hláa an loah a nupui Lalmuanchhani nen an riak ṭhin a, August 4, Inrinnia buhfai leh mamawh dang la tura khuaa a hawn hnuah, August 8, Nilaini zinga an loa a kal leh chuan a pasal chu a hmu ta lo a ni. An rî-a mite'n August 7 zinga a thing ek thawm an hriat bak chu a thawm an hriat tawh loh thu an sawi avangin an zawng zui a ni.

Khanpui-Tualbung kawng laia riakte'n August 7 chhun dar 12 vela kawng a min thu leh au thâwm ni âwm tak an hriat thu an sawi avangin an lo mawng kawngpuia leimin chu an enfiah a; Lalfakmawia chu a chhilh tih an hmu ta a ni. Leimin hi nimin zing khan JCB-in a hâi a, zing dar 8 velah Lalfakmawia ruang chu an la chhuak ta a ni.