Kum 15-18 inkar mi 13,775 hnenah Covid-19 vaccine pek a ni tawh

January 3, 2022 aṭanga India ram puma kum 15-18 inkar hnena Covid-19 laka invenna damdawi Covaxin pek ṭan chu January 8, Inrinni thleng khan Mizoramah dose 13,775 pek a ni tawh. Mizoramah hian kum 15-18 inkar vaccine pek tur hi mi nuai khat vel an awma chhût a ni.

Health department-in district a ṭhenah January 8 thleng khan Aizawl East district-ah kum 15-18 inkar mi 5,146 hnenah vaccine pek a ni tawh a, Aizawl West district-ah mi 2,497, Lunglei district-ah mi 1,617, Champhai district-ah mi pali, Kolasib district-ah mi 963, Serchhip district-ah mi 1,264, Lawngtlai district-ah mi 706 leh Mamit district-ah 1,578 pek a ni tawh. Siaha district-ah erawh chuan pek a la ni lo.

Mizoram Board of School Education chuan February leh March 2022-a HSLC leh HSSLC Examination buatsaih tura exam tur zirlai kum 15 leh 18 inkarte chu sorkarin Covid-19 vaccine a pek mek ngai pawimawh tur leh a rang lama vaccine la turin an ngen a ni.