Hnahthial DC-in S.Phaileng a tlawh

Hnahthial bawrhsap R Lalremsanga chuan January 8, Inrinni khan South Phaileng khuaa middle school, primary school leh pavillion-te a enfiah a, sorkar hmalakna chu ṭha taka ṭawiawm ṭhin turin VC leh tlawmngai pawl hruaitute a chah.

R Lalremsanga chuan tun hnaiah Hnahthial district-ah hripui vei hmuh thar an pun thu sawiin, “Covid-19 hri veite inenkawlna senso a sang ṭhin hle a, vaccine lâk hlauhawm anga sawi an awm ṭhin hi a pawi hle. South Phaileng khuaa kum 18 chung lamte’n Covid-19 vaccine in la vek hi a lawmawm a, kum 15-18 inkar vaccine pek mekah pawh la thei tur chin chuan in lak leh vek ka beisei,” a ti.

Hnahthial Bawrhsap hian khawtlang hruaitute hnenah thilpek a hlan a, khawtlang hruaitute’n an mamawh hrang hrang an lo thlen nghal a ni.