Rualbanlo pawngsualtu Kum 20 táng tura tih a ni

Pianphunga rualbanlo hmeichhe pakhat pawng­sualtu, Hrangthanṭhuama (35) s/o Runkulha, Zo­khawthar, Champhai dis­trict chu Champhai Dis­trict Court-a special judge R Vanlalena'n kum 20 chhung hrehawm taka jail-a táng tur leh Rs. 5,000 chawi turin a hrem.

Court thuremnaa a lan danin, Hrangthanṭhuama hian September 2017 khan hmeichhe pakhat, rualbanlo chu a khuaikhem avangin Champhai Police Station-ah FIR thehluh a ni a; police-te'n Hrangthan-ṭhuama chu man nghalin, thil thlen dan an chhui zui a ni.

Police-te chuan thu­buai an chhuinaa an thil hmuhchhuahte chu Court-ah an thehlut a; Court chuan finfiahna leh thuhretute thusawi a zir­chian hnuah August 9, Ninga­ni khan thutlukna a siam a, Hrangthanṭhuama chu kum 20 chhung táng tur leh Rs. 5,000 chawi tur hian a hrem ta a ni.