Hâlpuah khap a ni dawn

Home minister R Lal­zir­liana hoin nimin khan a pisaah kumin Krismas leh kumthar bakah, sakhaw hun pawimawh danga hâlpuah leh a kaihhnawih khap chung chang sawiho a ni a; hâlpuah, hâlmawi leh a kaihhnawih dangte chu khap leh an rél.

Meeting-ah hian hâl­puah leh a kaihhnawih khapna a hlawhtlin ngei theihna atan nasa lehzuala a zau theih ang bera hâlpuah leh a kaihhnawih ṭhat lohzia zirtirna kalpui an rel a; nikum lama tih tawh angin, media hrang hrangah a hma lamin ṭhat lohzia zirtirna tihchhuah ni se, an ti. Kohhran leh tlawmngai pawl hrang hrangte pawh hma la tura ngen ni se, an ti bawk.

Meeting-ah hian DGP Balaji Srivastava, Aizawl DC Dr A Muthamma, district hrang hrang SP te, Fire & Emergency Service hotu te, Taxation leh Home department hotute an tel a ni.