ACB-in PRISM hruaitu Court-ah hruai

PRISM ṭhalai pre­sident RL Liantluanga chu nimin khan Anti Cor­ruption Bureau (ACB)-in PRISM general head­quarters office, Upper Repub­lic aṭangin man a, Aizawl District Court-ah hruai a ni.

PRISM tarlan danin, DRDA, Kolasib hnuaia IWDP hmalaknaah sum tihchingpen nasa takin a awm nia an hriat avangin PRISM general headquarters chuan Feb­ruary 14, 2013-ah ACB-ah FIR an thehlut a; ACB-in chhuiin, mi eng emaw zat chargesheet an ni. Special Court (Prevention of Corruption Act)-ah thubuai ngaihtuah a ni a, RL Liantluanga chu thuhretu (witness) atan sorkarin a hmang a ni.

Hetih lai hian, PRISM chuan Special Court (PC Act) chu thawhpui loh turin November 1, 2016-ah thutlukna an lo siam tawh a; chuvang chuan, thuhretu RL Liantluanga hi Court-a a inlan theih nan Court thu angin ACB-te chuan an man ta a ni. ACB-te hian RL Liantluanga chu an man hnu­ah Court-ah an hruai a, Court-in thu a zawhfiah hnu­ah chhuah leh nghal a ni.