Nuai 45.71 senna turah police-in tender an ko

Mizoram Police chuan Police Training School (PTS), Thenzawla aquatic training centre siamtu tur leh firing range tihchangtlun hna thawk tur zawnna atan tender a tichhuak. Hna pahnih thawhna atan hian cheng nuai 45.71 ruahman a ni.

Tender chhan theih hun atan June 18, 2020 tlai dar 5 thleng hawn a ni a, chhànna lutte chu June 19, 2020-ah hawn tur a ni. Aquatic training centre siamna turin cheng nuai 33.33 ruahman a ni a, firing range tihchangtlunna atan cheng nuai 12.38 ruahman a ni thung. Hna hi thla ruk chhunga thawh zawh tura tih a ni a, class-IV contractor chinin an chháng thei ang.