Bawrhsap pisa kan chhanah tih luih thil a awm loah ngai

December 17, 2021 zing dar 3:15 vela Aizawl Bawrhsap Pisapui kan chhan chhui tura din magisterial inquiry chuan nimin khan report sorkarah a thehlut a; pisa kan chhanah tih luih thil a awm loah a ngai.

Vanglaini thu dawn danin, magisterial inquiry report-ah hian Bawrhsap Pisapui kan chhanah tih luih thil tih hmuh a nih loh thu tarlan a ni a, a kan chhan hriat ni lo mah se, vanduaina thilah ngaih a ni. Kângmei hi Election Branch chhung aṭanga chhuak a nih thu tarlan a ni.

Bawrhsap Pisapui kan chhan chhui tur hian Aizawl Municipal Corporation joint municipal commissioner H Lalhming­thanga ruat a ni a, January 1, 2022-ah report thehlut tura tih ni mah se, a dil angin ni 10 chhung hun pek belh a ni.

Aizawl Bawrhsap Pisapui hi kum 1890-ah luah ṭan a ni a, kum 131-a upa a ni. Kum 1870-a hawn Tlabung Post Office dawta Mizorama pisa awm hmasa ber a ni.