Lunglei dist-a anganwadi centre chei ṭhat mek tlawh

Central Warehousing Corporation (CWC) hotute chuan nimin khan Lunglei district-a an CSR kaltlanga anganwadi centre panga chei ṭhatte an tlawh a, district bawrhsap Kulothungan A hoin CSR kaltlanga hmasawnna hna thawh theih turte an sawiho.

CWC CSR Rs. 6,50,000 hmangin kum 2021 khan Lunglei district-a Pukpui-I, Pukpui-II, Lungpuizawl-Il, Bazar Veng-III leh Rahsi Veng-I anganwadi centre-te chei ṭhat a ni a; anganwadi centre dang 25 chei ṭha leh tura ruahman mek a ni.

Bawrhsap Kulo­thungan A chuan, CWC CSR an dawn chu ṭangkai taka hman a nih thu a sawi a; kawng hrang hranga district tihmasawn turin CSR mamawh belh a nih thu a sawi bawk.