Rev. Dr Alwyn Roberts sûnna hun hmang

Mizorama Zosap missionary zinga Mizo­ram chhuahsan hnuhnung berte zinga mi, Rev.Dr Alwyn Roberts chu nimin khan an khua, Berea Newydd Chapel, Bangor, Wales-ah vui a ni a, Mizoram Synod pawhin nimin chawhnu dar 3 khan Mission Veng Kohhran biak-inah sûnna inkhawm an buatsaih a, mi ṭhahnem tak an tel.

Rev.Dr Alwyn Roberts hi August 1, 2018-ah a thi a; amah sûnna inkhawm Mizoram Synod buatsaih hi Synod moderator hlui Rev. Lalzuithanga'n a kaihruai a, Mizoram Synod secretary (junior) Rev. R Vanlalnghaka leh Pa­chhunga University Colle­ge principal Dr Tawn­enga ten a chanchin an sawi.

Rev.Dr Alwyn Ro­berts hi Mizorama co­llege hmasa ber Aijal College (tuna Pachhunga University College ni ta) enkawl turin Mizoramah a rawn kal a, Aijal College principal hmasa ber niin, January 1961 atanga September 1967 thleng principal a ni. Mizoramah kum 1960-1967 chhung a awm a, Mizoram a buai avangin kum 1967-ah an ramah an haw a ni.