Cherhlun khuain kawng thawm ṭha

Lunglei district-a Cherhlun Branch YMA chuan Hnahthial leh Cherhlun inkar kawng chhhe lutuk chu nimin khan hnatlangin an thawm ṭha a, mi 300 vel an thawk chhuak.

Cherhlun Branch YMA hruaitute hnen aṭanga thu dawn danin, Cherhlun leh Hnahthial inkar kawng chu a chhe hle a, Cherhlun leh Chhumliamkâwn inkar phei chu a chhe zual hle a; Cherhlun-Lunglei maxicab service-te pawh Chhumliamkawnah dahin, Cherhlun aṭangin pick-up hmangin passenger-te bungrua an thiar ṭhin a ni.

Nimina kawng thawm ṭhat hna­tlangah hian Cherhlun khuaa motor neitute'n lung phurh nanah an motor-te an thawh a, motor 16 bakah bulldozer leh JCB pakhat hmangin kawng thawm ṭhat hna an thawk a ni. Senso atan bialtu MLA John Siamkunga, MNF vice president Dr R Lalthangliana leh mi ṭhahnemngai ten sum an thawh a, Rs. 27,000 an thawh khawm a ni.