Vawiinah I-Day lawm a ni dawn

Naktuk, August 15 hi India-in Britain laka zalenna a hmuh champha, Independence Day a ni a; Aizawl bakah, district headquarters tin leh civil SDO leh BDO ṭhuthmun khaw ṭhenkhatah hman a ni dawn. Independence Day lawmnaaah hian sorkar hnathawkte chu tel vek tura sawm leh hriattir an ni.

Aizawlah chuan Independence Day hi Lammualah hman tur niin, chief minister Lal Thanhawla khuallian a ni dawn a; khuallian hian zing dar 8:58-ah Lammual a thleng ang a, zing dar 9-ah hnam puanzar a pawt pharh ang. Chief Minister hian thuchah a sawi ang a, parade-a ti ṭhate lawmman a hlan dawn bakah, national award leh state award-te chawimawina a hlan bawk ang.

Minister leh MLA dangte khuallian nihna hmun turte pawh Mizoram sorkar chuan a tifel tawh. (VIP-te I Day hmanna tur phek 2-ah)