KHAWTHLIR

Thisen pe
Nimin khan Aizawl West College NSS unit chuan Aizawl Civil Hospital tan thisen unit 111 an pe a, a petute mipa 86 leh hmeichhia 25 an ni. Champhai College NSS unit chuan Champhai District Hospital tan thisen unit 36 pein, a petute mipa 22 leh hmeichhia 15 an ni a; Bethlehem North Branch KṬP pawhin an Kohhran Hall-ah Synod Hospital tan thisen unit 19 an pe a, a petutem ipa 17 leh hmeichhhia pahnih an ni.

Kawng enfiah
Hnahthial Kanaan Venga NH-54 kawngpui min chu nimin zing khan PWD executive engineer Lalramhluna'n tlawhin a enfiah. Lalramhluna chuan, NH-54 chu kawngpui pawimawh a nih avangin siamṭha leh turin PWD-in chak taka hmalak an tum thu a sawi a; chutih rualin, kawngpui chu a rei lo berah kumin chhung chu road block neih a ṭul a rin thu a sawi bawk.

Drone khap
Aizawl District Sub. Divisional Magistrate chuan thupek chhuahin, Aizawla Independence Day lawmna tur Lammual, Raj Bhavan-ah leh Chief Minister bangla-ah te venhimna ṭha taka kalpui a nih theihna atan drone hman a khap. Thupek zawm lote chu an drone man sak emaw tihchhiatsak an nih bakah, dan anga hrem an ni ang.

Tarmit sem
Lawngtlai district-a Bungtlang South khuaa puitling ziak leh chhiar zir mek mi 34 hnenah NPCBVI hnuai aṭangin bialtu MLA C Ngunlianchunga'n August 13, Thawhṭanni khan tarmit a sem.