SEC-ah complaint thehlut

MNF ṭhalai (MNYF) vice president H Ramdin­liana chuan Mara Autonomous District Council (MADC) huam chhunga village council inthlana vote chhiar ṭhat leh chungchangah nimin khan Mizoram State Election Commission (SEC) commissioner L Tochhawng hnenah complaint a thehlut.

MNYF tarlan danin, April 2018-a MADC-a V/C inthlan zawhah complaint leh petition a lut nual a, a bikin New Siaha ‘E’ V/C pawh Tribunal dinte’n vote chhiar ṭhain, dan angin result puan a ni. Chumi hnuah petition lut lehin, Tribunal din tharte’n nimin khan vote chhiar ṭha leh turin ruahmanna an siam a; chu chu MADC (Election to Village Councils) Rules, 2014 kalh nia hriain H Ramdinliana chuan complaint a thehlut ta a ni.

MNYF Vice President hi MNF Legal Board chairman J Lalremruata Hmar, MNYF treasurer Lalzahawma Khiangte leh MNF ṭhalai hruaitu dangte'n an ṭawiawm a ni.