Lungleiah blood donation training

Mizoram State AIDS Control Society (MSACS) leh Association for Volun­tary Blood Donation (AVBD)-te chuan August 14, Thawhlehni khan Lungleia YMA Sub-Hqrs. office-ah Voluntary Blood Donor Motivators Training an buatsaih a; Lungleia tlawmngai pawl hrang hrang leh kohhran ṭhalai pawl hruaitu mi 50 chuang an tel.

Training-ah hian MSACS deputy director Dr Sangzuala leh quality manager Lalhmingliani Pachuau, AVBD president C Lalnunnema leh general secretary Lalrinkima ten thisen pek leh a kaihhnawih chungchanga thil pawimawh hrang hrang an zirtir a ni.

Thawhlehni vek khan AVBD president C Lalnun­nema kaihhruaiin AVBD Lunglei Branch hruaitu te, YMA sub-headquarters Lunglei hruaitu te, Mizo­ram Ṭhalai kristian Pawl (MṬKP) hruaitute leh Lung­lei Civil Hospital blood bank hotute an ṭhukhawm bawk a; resolution siamin, "Replacement donation tlem thei ang bera kalpui turin blood bank thuneitute nen hmalak ni se," an ti.