KHAWTHLIR
Documentary hlan
Pipu sûlhnu humhalh kawnga mi ṭhahnemngai intélkhawmte chuan Thawhlehni khan chief minister Lal Thanhawla leh IPR minister Lal Thanzarate chu an pisaah an hmu a; Vangchhia, Khawbung, Dungtlang leh a chhehvela Mizo pipu sûlhnu chungchang documentary an siam chu sorkar property atan an hlan.
ISO 9001:2015 RIPANS-in lawm
Regional Institute of Paramedical and Nursing Sciences (RIPANS), Aizawl chuan ISO 9001:2015 certificate an hmu thar a, August 14, Thawhlehni khan RIPANS conference hall-ah RIPANS director hoin staff zawng zawngte'n a lawmna hun an hmang.
Hna inzirtir
Kolasib DC Dr Arun T hoin Thawhlehni khan DC conference hall-ah election kaihhnawiha sector officer (SO) leh sector police officer (SPO)-te an ṭhukhawm a, an hnathawh tur leh kalphung tur inhrilhhriatna hun an hmang. SO leh SPO-te hi August 16-18 chhungin check list kengin polling station hrang hrang an enfiah ang.
Chawimawina dawng
Mizoram School Education departmentṭ leh Tata Trusts thawh dunna project, Connected Learning Initiative (CLIx) chuan kum 2017-a an hmalakna avangin UNESCO’s King Hamad Bin Isa Al-Khalifa Prize for Use of Information and Communication Technology (ICT) in the Field of Education tun hnai khan Mumbai-ah a dawng.
Tarmit sem
Lawngtlai district-a Bungtlang South khuaa puitling ziak leh chhiar zir mek mi 34 hnenah NPCBVI hnuai aṭangin bialtu MLA C Ngunlianchunga'n August 13, Thawhṭanni khan tarmit a sem.
Hall hawng
Khamrang Community Hall chu nimin khan bialtu MLA Hmingdailova Khiangte-in a hawng. Hall hi a dung ft. 60 leh a vâng ft. 30 a ni a, cheng nuai 11.9 senga sak a ni.
Tlan khap
Traffic SP chuan thupek chhuahin, PWD-in Sakawrtuichhun leh Lungverh péng inkar kawng concrete pavement-a siam hna an thawh avangin, lirthei lian tlan a khap.