Khawlphethaa harsatna sukiang turin phût

Tlabung V/C kaihhruaia Tlabung khaw chhunga YMA branch hrang hrang leh tlawm ngai pawl dang hruaitute August 14, Thawhlehnia ṭhukhawm chuan, Tlabunga power supply chhe lutuk vanga an hmalakna hrang hrangin awmzia a neih loh vangin khawtlang mipui an lungawi lo hle tih an tarlang a; "Kan harsatnate sutkian thuai a nih loh chuan na zawka ke pên turin kan inpeih reng a ni," an ti.

Tlabung khawtlang hruai­tute chuan, ni khatah darkar 4 tal chatlak loa kawlphetha hmuh ve chu Tlabung mipuite dikna chanvo a nih thu sawiin, "Power supply chhe lutuk vanga eizawnna hna hrang hrang khaihlak ṭhin hi sorkar hian a rang thei ang bera sutkian ni rawh se," an ti a; zan tin power supply chhe ziah, siamṭhat a nih hmaa ṭha ve leh mai ṭhin chu sawifiah turin Power & Electricity department an phût.

Vawi tam tak Tlabunga kawlphetha chhia chungchang sorkar thuneitute hnena an thlen tawh chunga tun thlenga sukiang tura hmalakna a awm lo chuan Tlabung mipui a tihbeidawn thu an sawi a, "Tha­rum leh a kaihhnawih hmanga thâwm nei thin khua­te chauhin sorkar an auh hlawhtlin theih chuan, Tla­bung pawhin hetianga hmalak hi a thiam ve reng a ni tih sorkarin hre rawh se," an ti.