Inpumkhatna rilru pu tlat turin Governor-in Mizo mipui a ngen

Governor Kummanam Rajasekharan chuan Indepen­dence Day pualin thuchah a ti chhuak a; Mizo mipuite chu inpumkhatna rilru pu tlat turin a ngen.

Larsap chuan, Indepen­dence Day pualin Mizoram mipuite duhsakna sang ber a hlan a, "Kan hnam lo din chhuaktu mi ropui takte duh dan anga inpumkhatna rilru pu tlat turin ka ngen a che u. Kan ram zalennna tura hrauitu hmasaste duhthusam kha tihlawhtling turin i inpe thar leh ang u. Kan ram tana zalenna hlu tak sual chhuak tute hi kan hre rengin, khawtlangin kil tin aṭangin zahna kan la lantir chhunzawm a ni," a ti.

Ram inpumkhatna tur leh siamṭha tura ruahmanna sorkarin a siamte chu hnampa Mahatma Gandhi leh ram dintu dangte suangtuahna milin a kal zel a duh thu sawiin Governor chuan, "Hmasawnna a tak rama chantir tur chuan, mi hnuaihnung berte pawhin he kalsiamah hian an tel ve nia an inhriat a ngai," a ti a; mirethei berte dinhmun chawikang tura hmalak zel a nih thu a sawi.

Kummanam Rajasekharan chuan, India mipuite chu khawtlang nun mawinate leh hnam hrang hrang zia zahawmnate humhim tlat chungin, hlawhtlinna nasa tak nen kum 71 a zalen tawh tih a sawi a, "Tunah chuan ram ropui leh chak tak kan nih tak avangin World Bank pawhin min dah sang tawh hle. Ram zalenna ni champhaphak kan lawm rual hian, kan martar leh mi huaisente inpekna chu hriain chibai ka bûk leh a ni," a ti.