MNF kuhmûmah Congress an pâr - Dr R Lalthangliana

MNF vice president Dr R Lalthangliana chuan, MNF sorkar kuhmûmah Congress sorkar a par nasa hle nia sawiin, "MNF sawi chhuah sa sum tam tham tak tak an rochun hmangin Congress sor­karin hna an thawk nasa a, MNF kuhmûmah an pár nasa hle a ni," a ti.

Nimina Samtlang leh Lungleng I-a MNF political training-ah thu sawiin Dr R Lalthangliana chuan, MIMER din a nih theih chhanah MNF-in sûlhnu pawimawh tak an nei niin a sawi a, "MNF sorkar khan building 51 lai an sa a, building lian pui sei deuh kan hmuhte saw MNF sak a ni," a ti a; Congress sorkar chuan building lian vak lo tlem azawng an sa ve chauh niin a sawi.

Nimin vek khan Aizawl North-III Block MNF Extended Meeting chuan resolution pass in, MNF president Zoramthanga leh a thawhpuite'n MNF an kaihhruai dan chu ṭha an tih thu leh an rin tawk thu an tarlang a, "MLA General Election lo awm turah pawh Pathian leh mipui zarah sorkarna min siampui ngei kan beisei tlat a ni," an ti.