Cabinet-in Lottery Rules siam rawtna a pawm
August 13, Thawhṭannia chief minister Lal Thanhawla hoa Secretariat conference hall-a Council of Minister ṭhukhawm chuan, Mizoram Lottery Rules siamthar rawtna an pawm. Social Welfare directorate chu directorate pahniha ṭhen rawtna an pawm bawk.
Finance department-in an chhawp chhuah, 'Framing of the Mizoram Lotteries (Regulations) Rules, 2018' chu Cabinet meeting-ah hian ngaihtuah niin, an pawm a; hei vang hian Mizoram sorkarin lottery a kalpui dan tur chu siam thar a ni dawn.
MNF ṭhalaite'n an dodal hnuah July 10, 2018 khan Mizoram sorkarin Mizoram State Lottery kalpui mek a titawp a; lottery kalpui zel dan tur chu Finance Secretary kaihhruai State Lottery Committee kutah dah niin, Committee hian Mizoramin lottery kalpuina atana rules awm mekte chu siamṭhat an rawt a ni.
Cabinet hian Social Welfare department chu directorate pahniha ṭhen an rel a; Directorate of Social Welfare & Tribal Affairs leh Directorate of Women and Child Development-ah ṭhen tura pawm a ni.
Hetih lai hian, Home department aṭanga agenda lut - The Mizoram Home Guard Bill, 2018 leh Proposal for the Mizoram Essential Services (Amendment) Bill, 2018-te chu chu an pawm a; heng Bill pahnihte hi hman nghal a nih theih nan Ordinance siama pawm nghal a ni. Ordinance hi hman nghal tur a ni a, Ordinance chhuah aṭanga thla ruk chhungin Assembly House-ah pass ngei a ngai thung.
School Education department hnuaia aided/non-formal primary school zirtirtu 36 dah nghet tura rawtna angin zirtirtute hlawh tihpunsak turin an rel a; Fisheries department-a fishermen post pali tihtawp a, technical assistant post pakhat leh fisheries investigator post pakhat siam belh dilna an remti.
Cabinet meeting-ah hian department pakua aṭanga agenda lut ngaihtuah a ni a; additional agenda eng emaw zat ngaihtuah a ni. Additional agenda zinga mi - 'Mizoram Institute of Medical Education & Research, Falkawn' tih chu 'Mizoram Institute of Medical Education and Research Society, Falkawn, Mizoram' tia thlak an rel a; Draft Mizoram Anatomy Ordinance, 2018 chu an pawm bawk.
Cabinet-in a pawm dangte
• Work-charged Overseer Grade II-te work-charged JE (PWD)-a leh dilna.
• The Mizoram Private Security Agencies (Amendment) Rules, 2018
• 7th. Central Revision of Pay (as modified and exyended to the employees under the Government of Mizoram) Rules, 2018 pawm dilna.
• Grant of Revised Allowances to the Employees of the Govt. of Mizoram
• The Mizoram Ministerial Service (Amendment) Rules, 2017
• GNM School pali din thara post 50 siam dilna leh ANM School pathum din a nih theih nana post 50 siam dilna.
• Sorkar HSS-a vocational education teacher post 36 siam thar dilna.
• Draft Mizoram PHED Enlistment of Contractors Rules, 2018