Quarantine centre atan thilpek hlân

Nimin khan task force leh pawl hrang hrangte chuan quarantine centre-a awm mekte tan thilpek an hlân. Lungchhuan task force-te chuan Serchhip district-a quarantine centre hrang hrang awmte hnenah chawhmeh chi hrang hrang District Task Force kaltlangin an pe.

Sialhau task force leh village organisation ṭangkawp chuan Serchhip District Task Force hnenah buhfai leh thlai chi hrang hrang an pe a; Chhing­chhip Venghlun chuan Tuikhuahtlang tan thlai chi hrang hrang Rs. 50,000 man chuang an hlan a ni.

Lunglei district-a Ṭawipui South leh Phairuangkai khawtlang chuan quarantine centre-a awmte ei turin thlai leh thei an thar chi hrang hrang Lunglei Level Task Force hnenah an pe bawk.

Siaha RD Block hnuaia MzSRLM SHG Siata VO-I te chuan Siaha khawpui chhunga quarantine centre-a hman turin thing tuah tur  207 trip khat leh thlaihnah chi hrang hrang an pe.