Missionary Day hman a ni

Nimin January 11 kha Mizorama missionary hmasa ber pahnih - Sap Upa (Rev. FW Savidge) leh Pu Buanga (Rev. JH Lorraine) ten kum 1894-a Mizoram an rawn luh champha, Missionary Day a ni a, Baptist kohhrante'n hmun hrang hrangah an hmang.

Missionary Day-ah hian Sap Upa leh Pu Buanga te awmna ṭhin Thingpui huan tlang, Zarkawtah chuan zing karah Zarkawt Presby­terian Kohhran leh Baptist Church of Mizoram (BCM)-te'n a huhoin hun an hmang a, inkhawm tâwitê an buatsaih.

Chhûn lamah BCM biak-in tinah hun hman a ni a, Pu Buanga leh Sap Upa ten Mizoram leilung an rahna hmasa Changsil kaiah Aizawla BCM executive secretary Rev. Dr R Lalthanmawia hoin hun hman a ni. Thingtlang hmun ṭhenkhatah chuan Missionary Day pualin ruai ṭheh a ni bawk.

Mizoram Presbyterian Kohhran chuan January 11 hi an kohhran din ní atan an hmang thung a, hei vang hian Synod Office leh a hnuaia péng hrang hrangte chu an chàwl a ni.