Siaha-ah blood donation training

Mizoram State AIDS Control Society (MSACS) leh Association for Voluntary Blood Donation (AVBD) chuan nimin khan Siahaa I&PR Conference Hall-ah Voluntary Blood Donor Motivators Training an buatsaih a; tlawmngai pawl leh kohhran ṭhalai pawl hruaitu mi 50 chuang an tel. Training hi vawiinah Lawngtlaiah buatsaih leh a ni ang.

Training hi Siaha District Hospital-a medical superintendent Dr C Lalrosanga'n a kaihruai a; MSACS aṭangin deputy director Dr Sangzuala'n 'Donor screening and donation criteria, myths & misconcepts’ tih thupui leh quality manager Lalhmingliani Pachuau-in ‘Blood safety programme & scenario on VBD’ tih thupui an sawi. AVBD president C Lalnunnema'n 'Blood donor motivation techniques & blood donation calendar’ tih leh general secretary Lalrinkima'n 'Concept of voluntary blood donation’ tih thupui an sawi bawk.

Siaha district-a AVBD hruaitu Laltharliana tarlan danin, January-July, 2018 chhung khan Siaha District Hospital-ah thisen unit 522 pek a ni tawh a, chung zinga unit 362 chu voluntary donation niin, unit 160 chu replacement donation a ni.