Bawngkawn - Ṭhuampui lirthei tlân dan tur
Traffic SP Rodingliana Chawngthu chuan thupek chhuahin, Bawngkawn leh Ṭhuampui inkara leiminin NH-54 kawngpui a hnawh pin avangin lirthei tlân dan tur tihdanglam a nih thu a tarlang. Thupek hian lirthei tlàn theiha kawngpui tihtlang a nih hma zawng a huam ang.
Lirthei tlàn dan tur
Lirthei lian (HMV) Aizawl khawpuia lut leh chhuak tur lirtheite chu zing/chawhma dar 8 -11 leh tlai dar 3:30 - 6:00 inkarah tlân tlang phal a ni lo a; chhun dar 11:00 - 3:30 inkar leh tlai dar 6 leh zing dar 8 inkarah erawh chuan tlàn tlang phal a ni.
Bawngkawn aṭanga Zemabawk lama kal turte tan Bawngkawn-Ṭhuampui via Durtlang, Zuangtui kaltlangin LMV leh two wheeler-te an kal thei a; Bungkawn Bazar-Falkland Veng via Saron Veng, Armed Veng, Chite, etc. kal tlangin 407/Load King chin hnuai lamte tlân theih a ni.
Zemabawk aṭanga Bawngkawn lama kal turte tan Ṭhuampui - Bawngkawn via Zuangtui, Durtlang, etc. kaltlangin LMV leh two wheeler-te an kal thei a; Falkland Junction - Sihpui, Ramthar Veng, Saron Veng lamah LMV leh two wheeler-te an kal thei.
LMV Ieh two wheeler bakah, 407/Load King leh a chung lam, motor lian chite tan Aizawl By-Pass Road (World Bank Road) lamah tlan theih a ni.
Bawngkawn leh Ṭhuampui inkar (via Helipad Road)-ah chuan two-wheeler chauh tlân tlang theih a ni.