District tihpuitlin a nih loh chuan Congress candiate siam remti lo

Khawzawl District Implementation Demand Committee (KDIDC) hruai­tute nimina ṭhu­khawm chuan, Khawzawl district puan tawh tihpuitlin a nih loh chuan kumina Assembly inthlanah Tuichang bialah Congress party-te candidate siam an remtih loh thu an tarlang.

KDIDC chuan, Khaw­­zawl district thar noti­fication siama a puan tawh, a function a nih theihna turin sorkarah ngenna vawi tam tak an thlen tawh thu an sawi a, "Kan ngenna hi min tihlawhtlinsak turin sorkar kan phût tlat a, a hlawhtlin hma chuan theihtawp chhuahin hma kan la zel dawn a ni," an ti.

KDIDC meeting resolution
• Mizoram sorkarin Khawzawl district hi kum 2018 Mizoram Legislative Assembly General Election lo awm tur atana Election Model Code of Conduct puan a nih hma ngeiin Mizoram sorkarin a tihpuitlin kan phût tlat a ni.
• Mizoram sorkarin Khawzawl district hi kum 2018 inthlanpui neih hmaa a tipuitling a nih chuan Congress party chauhin Tuichang constituency-ah candidate siam se, party dang chuan siam suh se.
• Mizoram sorkarin Khawzawl district hi kum 2018 inthlanpui neih hmaa a tipuitling lo a nih chuan, Congress party hian Tuichang constituency-ah candidate an siam kan remti lo a, party dang chauhin siam rawh se.
• Mizoram hmun dangah district thar tihpuitlin a nih a, Khawzawl a tel loh chuan Tuichang constituency-ah Congress party-in candidate siam suh se.
• Khawzawl district tihpui tlin kan duhzia lantirna atan August 31, 2018 hian Khawzawl veng hrang hrang aṭanga kawng zawh huaihawt ni se, Khawzawl Dinthar Bazarah intâwk khawma hun hman ni se.
• Khawzawl district tihpuitlin a nih loh a, Khawzawl hlamchhiaha hmun danga district tihpuitlin a nih chuan volunteer-te'n hma an la ang.