Lawngtlaiah blood donation training

Mizoram State AIDS Control Society (MSACS) leh Association for Voluntary Blood Donation (AVBD) chuan nimin khan Lawngtlaiah Voluntary Blood Donor Motivators Training an buatsaih a; tlawmngai pawl leh kohhran ṭhalai pawl hruaitu mi ṭhahnem tak an tel.

Training-ah hian MSACS aṭangin deputy director Dr Sangzuala leh quality manager Lalhmingliani Pachuau te, AVBD aṭangin president C Lalnunnema leh general secretary Lalrinkima ten thisen pek leh a kaihhnawiha thil pawimawh hrang hrang an zirtir a ni.