Kum 35 hnua Mizo zinga Wing Commander ni thei Risanga

13th January, 2022

Indian Air Force (IAF) hnuaia Air Force Station, Lungleia unit commander ni mek, HL Risanga (35) s/o Kawlkhuma, Chaltlang Lily Veng chu nimin khan Wing Commander-ah a kai sáng a, kum 35 hnua Mizo zinga wing commander ni leh hmasa ber a ni.

Thu dawn danin, Wg.Cdr HL Risanga hi January 2009 khan IAF-ah commissioned officer-in a lut a, a luh aṭanga kum 13-naah wing commander a thleng a ni.

Risanga hmaa Mizo zinga wing commander hnuhnung ber chu Wg.Cdr J Lalhmingliana, Kulikawn a ni a, ani hi kum 1987-ah pension-in a chhuak tawh a; kum 35 chhung Mizo zingah wing commander an awm loh hnuah HL Risanga hi a ni ve leh ta a ni.