Lungleia RT-PCR Laboratory NEIGRIHMS-in a pawmpui

Lunglei Zotlang Tourist Lodge buildinga RT-PCR Laboratory bun thar chu a viltu leh enfiahtu (mentor institution) NEIGRIHMS, Shillong-in nimin khan a pawmpui.

Lungleia RT-PCR Laboratory bun thar chu Decemebr 30, 2021 khan Health Minister-in a hawng tawh a; mahse, tun thlengin swab sample endik nan hman a la ni lo. Sample endikna atan hman a la nih loh chhan chu - mentor NEIGRIHMS duh dan anga enchhinna (trial run) kalpui zui zel a nih vang a ni.

Thu dawn danin, NEIGRIHMS aiawhte chuan Lungleia RT-PCR laboratory bun thar enfiahna (trial run) chu a ṭha tâwkah ngaiin a pawmpui a; chuvang chuan Indian Council of Medical Research (ICMR) lamah report thehlut turin an inbuatsaih nghal a ni.