April - December 2021 chhungin Mizoramah thisen unit 20,320 pek a ni

Sorkar kum 2021-22 kal mekah April-December 2021 chhung khan Mizoramah thisen unit 20,320 pek a ni a, chu'ng zinga unit 18,328 chu pek bik nei loa a thlawna pek (voluntary donation) niin, 90.19% a tling.

Mizoram State AIDS Control Society (MSACS) chhinchhiah danin, sorkar kum kal meka thla kua (quarter thum) chhungin thisen unit 20,320 pek zingah rulhna (replacement) unit 365 chiah a awm a, 9.89% a ni. Blood donation camp ṭum 365 buatsaih niin, chu'ng aṭang chuan thisen unit 11,596 pek a ni.

Model Blood Bank, Civil Hospital, Aizawlah thisen pek tam berin, unit 10,652 a ni a, pek zawng zawng aṭangin a zatve aia tam, 52.42% a ni. Model Blood Bank hi donation camp nei tam ber ni bawkin, camp 122 an neih aṭangin thisen unit 5,195 an dawng.

Mizorama blood bank 11 zingah Zoram Medical College (ZMC) blood bank chu voluntary donation percentage sanna ber niin, thisen an dawn unit 756 zinga unit 753 (99.60%) chu a thlawna pek a ni a; voluntary donation hniamna ber chu Synod Hospital niin, thisen an dawn unit 2,176 zinga unit 1,676 (77.02%) chiah a thlawna pek a ni.