Online-in dil hmasak ngai

Chief secretary Dr Renu Sharma chuan Covid-19 laka himna turin January 17, 2022 aṭang chuan sorkar pisa dawr turte'n online hmangin dilna thehluh hmasak tur a nih thu a puang.

CS-i'n nimina thupek a tihchhuaha tarlan danin, January 17 aṭangin sorkar pisa dawr tur reng rengin online-in office dàwr dilna an thehlut hmasa vek phawt tur a ni a, dilna chu mobile application ‘Appointment’ tihah emaw, appointment.mizoram.gov.in (web portal)-ah emaw thehluh theih a ni. Mobile application chu Google Playstore-ah download theihin a awm.