Lokayukta Search Committee ṭhukhawm
Mizoram sorkarin Lokayukta a din tura chairman leh member tur thlangtu tur Search Committee chu August 18, Inrinni khan an chairman, Justice Ujjay Bhuyan, Gauhati High Court judge hoin a banglaah an ṭhukhawm.
Search Committee hian Lokayukta chairman leh member atana mi hrang hrangin an rawtte chanchin an zir chiang a, an thlan chhuahte chu Chief Minister kaihhruai Selection Committee pawmpui turin an thawn leh ang. Search Committee-ah hian member-te chu - chief secretary Arvind Ray, principal secretary Lalnunmawia Chuaungo, IGP LH Shanliana leh Law & Judicial secretary Marli Vankung-te an ni.
March 30, 2018-a Raj Bhavan-a Selection Committee ṭhukhawm chuan Search Committee a din a; Selection Committee-ah hian member-te chu - Gauhati High Court chief Justice Ajit Singh, Assembly speaker Hiphei leh opposition group leader Vanlalzawma te an ni.
Law & Judicial department chuan December 2016 khan thuchhuah siamin, Mizoram Lokayukta-a chairperson leh member atana duh neite tan
January 31, 2017 thleng rawtna thehluh theih a nih thu a tarlang. Mi eng emaw zatin rawtna an thehlut a, chuta aṭang chuan Search Committee-in an thlang chhuak ang.