Ramri bul khaw 3-ah MZP duty

MZP chuan, Assam National Register of Citizens (NRC) draft list-a chuang lo, Assam aṭanga Mizorama dan loa luh tumte dang tur leh a ṭul anga Mizorama hnam dangte enfiah turin nimin khan MZP general headquarters hruaitute'n Mizoram leh Assam inrinni khuate an pan tih an tarlang. MZP tarlan danin, an hruaitute hi Bairabi, Vairengte leh Saiphaiahte an inṭhen darh a, a ṭul angin an duty dawn a ni.

MZP chuan, Assam NRC-a chuang lote dap chhuah hna August 17, 2018 khan Mizoram pumah an kalpui ṭan tih sawiin, "Mizoram sorkar chu lo invéng lâwk turin kan ngen tawh a, Mizoram sorkar aṭanga hmalakna lian tham hmuh tur a awm loh avangin MZP chuan hma kan la ṭan ta a ni," an ti. August 17-a an hnatlannaah, Aizawlah ringawt pawh Assam NRC-a chuang lo Assam aṭanga lo lut mi pali hmuh chhuah a nih thu leh, Vairengte aṭangin NRC list-a tel lo mi 16 hnawh kîr an nih thu an tarlang.