Lungleiah inthlan tur sawiho

Lunglei DC Dr Ankita Chakravarty hoin nimin khan DC conference hall-ah Lunglei district chhunga Assembly constituency pasariha returning officer, assistant returning officer leh sector officer-te'n inthlan tur chungchang an sawiho.

Dr Ankita Chakravarty chuan, inthlan hmachhawn turin inpuahchahna ngawrh taka kalpui zel a nih thu a sawi a, "Election Commission of India-in ruahmanna a siam angin, September 27, 2018-ah Final Electoral Roll tlangzarh tur a ni. Kan district-ah hian polling station 185 a awm dawn a, boruak ralmuang tak hnuaia election kalpui a nih theihna turin dan leh thupek kengkawh kawngah ruahmanna fel tak siam lâwk a ni," a ti.

Systematic Voters Education and Electoral Participation (SVEEP) chungchang sawiin Lunglei DC chuan, "Vote nei thei chin India khua leh tui dik takte'n vote neih hlutna an hriat thar lehzualna tur leh vote thlak pawimawhna leh vote thlak ngei tura dan in min phût thute inzirtirna a ni," a ti a; SVEEP hmalakna hnuaiah hian slogan writing competition, painting competition, rally leh mobile van buatsaih a nih tur thu a sawi.

Meeting-ah hian Lunglei SP C Lalthanmawia leh additional SP Lalchhuanthanga te pawh an tel.