Rajiv Gandhi pian champha pualin hun hmang

Rajiv Gandhi Study Circle, Mizoram Unit chuan nimin khan Rajiv Gandhi pian champha vawi 73-na pualin Mizo­ram University-ah lecture programme an buatsaih a, MLA Dr Ngurdingliana'n a hmanpui.

Dr Ngurdingliana chuan, Assam sorkarin Mizoram mautâm laiin ṭanpuina a pek a beitham hle tih sawiin, "Mizoram buaiin a zui ta a ni. Mizo­ramin remna leh muanna a neih theih chhan chu khatih laia prime minis­ter Rajiv Gandhi-a inhawnna thui tak vang leh Chief Minister ni mek Pu Lal Thanhawla'n lal ṭhutthleng a ken vang a ni," a ti a; remna leh muanna a awm theihna atana beitu kohhran, tlawmngai pawl leh zirlai pawlte hmalakna a fakawm thu a sawi.

Rajiv Gandhi Study Circle hruaitu V Lal­nun­thara chuan, "Rajiv Gandhi hi party dai dan­nain a tihbuai loh, mi ngaihsanawm tak a ni," a ti.