HIV chungchangah training buatsaih

Mizoram State AIDS Control Society (MSACS) bultumin nimin khan Kolasib leh Mamit district-a Link Worker Scheme (LWS) hnuaia thawktu mi 23-te pualin MSACS conference hall-ah awlsam zawka HIV endikna, Community Base Screening (CBS) training buatsaih a ni.

MSACS report aṭang­in tun hnaiah Kolasib district leh Mamit district-ah HIV hrik pai an pung tih hriat a ni a, hei vang hian tum (target) bik neia hna thawhna, targeted intervention (TI) lamah chuan CBS kalpui a ni tawh.

LWS hian TI-in a huam loh khua, Mamit district-ah khaw 32 leh Kolasib district-ah khaw 36-ah hna an thawk a; thawktu 23 an awm mek.

CBS training zawh aṭang chuan Kolasib leh Mamit district-ah hian apiangte'n Integrated Coun­seling and Testing Centre (ICTC) thlen kher ngai loin, an remchanna hmun apiangah LWS-a thawk­tute'n panin HIV test an tihsak thei tawh dawn a ni.

MSACS hotute chuan, Mizoram hi India ramah HIV hluarna ber state a nih avangin nasa takin

ṭan an la mek tih an sawi a, "Mipui mimirte'n HIV kai lo tura invenna an ngaih pawimawh a, mahni ṭheuh inveng fimkhur a, HIV kai tawhte pawhin mi dang an kai chhâwn loh nan leh enkawlna ṭha taka an dawn theih nan MSACS chuan mi tinte'n HIV inkai chhâwn dan leh kai theih lohnate hre chiang turin a duh a ni," an ti.