Climate change chungchang sawiho

Nimin khan principal chief conservator of forest (PCCF) Lalram Thanga hoin Secretariat conference hall-ah Inception Meeting for Revision of State Action Plan on Climate Change, Mizoram an ṭhukhawm.

Lalram Thanga chuan, sik leh sá inthlak danglam (climate change) zelah mihringte pawh an inthlak ve a ngai tih sawiin, "Kan lo neih dan te, ramngaw kan enkawl dan te, tuihna kan humhalh dante pawh fimkhur lehzuala kan kalpui a ngai. Paris Agreement-in a duan chhuah chu Mizoram pawhin a ngaihven zel a ṭul a ni," a ti.

Meeting-ah hian, sik leh sa inthlak danglam venna Mizoramin a mamawh bik policy duan chungchang te, documentation chungchanga hmasawn dan tur te, scientific approach hmanga invenna leh indanna chungchang te, ṭha zawka research neih dan te, agriculture leh horticulture crops a ngawng dante leh ṭha zawka lo neih dante leh a dangte ennawn a ni.

State Action Plan on Climate Change (SAPCC) hi National Action Plan on Climate Change (NAPCC)-in thu a chhuah angin, August 2009-ah din a ni.