Serchhip College zirlaite'n lui an tifai

Serchhip District Sanitation Task Force-in a rel tawh angin, Serchhip College-a NSS leh Eco Club member 300 vel chu nimin khan Serchhip khawpui thli dawng lui pahnih - Sesah lui leh Hmawngawn lui tifaiin an hnatlang.

Cleaning of Urban River Stream etc., component-a Serchhip district-in sum a hmuhte kalpui dan tur chu Ser­chhip District Sanitation Task Force-in a ngaihtuah a; Ser­chhip khawpui thli dawng, khawpui chhung aṭanga tui luang chhuak ni bawk Sesah leh Hmawngawn lui chu then fai turin a rel a, a mawhphurtu tur an ruat nghal a ni. Lui pahnihte hi nikum lamah pawh thenfai a ni tawh.

District Sanitation Task Force chuan, Sesah lui leh Hmawngawn luia lut thei tura bawlhhlawh paih reng reng khap a ni tih Ser­chhip mipuiin hre nawn leh se an duh thu an tarlang.