Hnahthialah bailey bridge dawh tum

Hnahthial khaw chhunga NH-54 kawngpui min bal lai lirthei kal theiha siam leh thuai a nih theih nan thir lei (bailey bridge) dawhna tur sum Mizoram sorkarah dil mek a ni.

PWD hotute sawi danin, Hnahthiala NH-54 kawngpui chhuat bal hi ft. 180-a thui a ni. Kawng chhak lam chu mimal ram leh mihring chenna in tam tak awmna a nih avangin kawng laih zauh theih a ni lo a, kawng thlang lam pawh a awih avang leh a ko a san vangin lung rema dâwl ngheh a har dawna hriat a ni. Hei vang hian, rang taka kawng siam tlang leh tur chuan thir lei dawh chu tih theih awm chhuna ngaih a ni.

Kolkata-a thîr lei dawhna hmanraw siamtu Garden Reach Shipbuilders & Engineers Ltd. chu PWD hotute'n an be tawh a, lei dawhna hmanraw leina atana sum mamawh zat tur nuai 154 chuang a ni. Lei hmanraw man tur bakah, hna pawimawh dang dang thawhna atana sum mamawh tur chhût chhuakin, Mizoram sorkarah sum dilna thawn mek a ni.