Buhfai phurh chawlhsan rel

Bairabi railhead leh FCI kudam inkar kawng chu buhfai phur lirthei tana zawh hlauhawm khawpa a chhiat tawh avangin, Bairabi FCI kudam aṭanga buhfai phurh chu July 6 aṭanga chawlhsan an tum thu nimina Mizoram Truck Owners' Association leh Mizoram Truck Drivers' Association hruaitute ṭhukhawm chuan an rel.

Pawl pahnihin thuchhuah an siamah chuan, "MTOA leh MTDA-in kum tam tak sum leh tha senga kan lo hnawh ṭhin kawng chu tun dinhmunah a chhe leh ta hle," an ti a; Railway leh FCI thuneitute chu a rang lama siam turin an ngen a, sorkar thuneitu hnenah an thlen bawk. Thuchhuaha an tarlan danin kawng chiaah hian buhfai phur lirtheite an tâng ṭhin a, lirthei tan leh a khalhtute tan pawh a him loin an hria a; buhfai phur truck-te hi excavator (JCB) hmanga hnuh chhuah an ṭul fo a ni.