SBI ATM booth khawih a ni

Nimin zing dar 3:30 - 5:30 inkar vel khan Nursery Venga State Bank of India (SBI) automated teller machine (ATM) booth chu pawisa rûk chhuah tuma khawih a ni a; a khawihtuin pawisa a la chhuak thei lo nâin, ATM khawl a tichhe nual. ATM booth khawihtu hi Nursery Veng mite leh police-te'n an man tawh nia thu dawn a ni.

Police investigation leh ATM siamṭhat chhung nen chawlhkar thum chhugn vel chu ATM booth hi a hman theih dawn loh niin SBI hotute chuan an sawi. Tun hnaiah ATM rawk tumna a thleng nual a, August thla chhung ringawt pawhin ṭum thum a thleng tih sawiin SBI hotute chuan, ATM rawk leh khawih a niha a tuartu ber chu mipui an nih ṭhin avangin, ATM booth-te chu vênpui turin mipui an ngen a ni.