Kawngpui leh Lammual tifai

National Service Scheme (NSS), Mizoram chuan nimin khan Aizawlah khawpui chhung kawngpui leh Lammual thenfai hnatlang an huaihawt a; Aizawla college leh higher secondary school hrang hrang 25 aṭangin NSS volunteer 900 vel an thawk chhuak.

NSS hnatlangah hian Vaivakawn-Lammual, Chanmari kawn-Lammual leh Sikulpuikawn-Lammual inkarahte kawngpui dunga bawlhhlawhte an thianfai a; Lammualah intâwk khawmin, Lammuala bawlhhlawhte an thianfai leh a ni.